Otel idarəetmə sistemi (PMS)
Bronlardan hesablaşmaya, otaq vəziyyətindən hesabatlara qədər — resepsiya, rəhbərlik və təsərrüfat xidməti eyni sistemdə, eyni məlumatla işləyir.
Ekran görüntüləri nümunə məlumatlarla hazırlanıb.
Niyə BirOtel
Kiçik və orta otellərdə gündəlik iş çox vaxt bir neçə cədvəl, kağız jurnal və telefon yazışmaları arasında bölünür. BirOtel bu prosesləri vahid qeydiyyata gətirir.
Məhsul turu
Hər modul real otel iş axını əsasında qurulub. Bölməni seçin və ekranın necə göründüyünə baxın.
İdarəetmə paneli
Rəhbərlik və resepsiya üçün əməliyyat paneli: günün əsas göstəriciləri, gözlənilən hərəkətlər və otaqların vəziyyəti eyni ekranda.
Rezervasiyalar
Gündəlik və saatlıq yerləşmə üçün vahid qeydiyyat. Otaq növü, tarix, qonaq sayı və mənbə bir formada.
Otaq fondu
Mərtəbə və otaq növü üzrə vizual idarəetmə. Hər kartda otağın əlçatanlığı, təmizlik statusu və qalan qonaq görünür.
Qonaq bazası
Axtarış, qeydiyyat və əvvəlki qalmalara baxış. Daimi qonaqları tanıyın, riskli halları nəzarətdə saxlayın.
Qiymətləndirmə
Həftəsonu, bayram, mövsüm və saatlıq paketlər üçün qaydalar qurun — sistem hər tarix üçün qiyməti özü hesablayır.
Kassa
Pul axını, ödəniş üsulları üzrə bölgü və borc qalığı. Seçilən dövr üçün kassa xülasəsi bir ekranda.
Fakturalar
Qalma haqqı və əlavə xidmətlərin uçotu. Minibar, camaşırxana və digər xidmətləri bron hesabına əlavə edin.
Təsərrüfat xidməti
Təmizlik, yoxlama və təmir tapşırıqları. Kimin hansı otaqda işlədiyini və işin hansı mərhələdə olduğunu bilin.
Hesabatlar
Gəlir və doluluq göstəriciləri üzrə hesabatlar. Otaq növü, kateqoriya və dövr üzrə kəsimlər.
İstifadəçilər və rollar
Resepsiya, rəhbərlik və təsərrüfat xidməti üçün ayrıca rollar. Hər istifadəçi yalnız ona icazə verilən bölmələri görür.
İş axını
Hər addım əvvəlkinin məlumatını istifadə edir. Heç nə təkrar yazılmır, heç nə itmir.
Gündəlik və ya saatlıq bron, qiymət avtomatik hesablanır.
Qonaq qeydiyyatı və otaq təyinatı rəsmiləşdirilir.
Minibar, camaşırxana və digər xidmətlər hesaba əlavə olunur.
Nağd, kart və ya köçürmə; qismən ödəniş və qalıq izlənir.
Hesab bağlanır, faktura çap olunur, otaq təmizliyə göndərilir.
Təmizlik tapşırığı icra olunur, otaq yenidən satışa hazırdır.
Gəlir, doluluq və ADR avtomatik yenilənir.
Mobil baxış
İnterfeys mobil ekrana uyğunlaşır: rezervasiya siyahısı dar ekranda kartlarla göstərilir. Rəhbər oteldə olmadan da vəziyyəti izləyə bilər.
Kimlər üçün
BirOtel daxili otel idarəetməsinə fokuslanır və hər növ yerləşmə obyektinin gündəlik işinə uyğunlaşır.
Resepsiya, kassa və təsərrüfat xidməti arasında aydın iş bölgüsü.
Saatlıq paketlər və qısamüddətli qalmalar üçün ayrıca qiymət qaydaları.
Sadə başlanğıc, az işçi ilə tam nəzarət.
Mövsüm, bayram və həftəsonu qiymətləri qaydalarla idarə olunur.
Planlar
Əsas modullar, hosting və standart texniki dəstək bütün planlara daxildir. Otaq sayına və komandanızın ölçüsünə uyğun paketi seçin.
Qonaq evləri və kiçik otellər üçün
10 otağa qədər
3 istifadəçiyə qədər
59 AZN / ay
Planı seçGündəlik işi vahid paneldə idarə edən kiçik otellər üçün
20 otağa qədər
5 istifadəçiyə qədər
99 AZN / ay
Planı seçOrta ölçülü otellər və böyüyən komandalar üçün
60 otağa qədər
12 istifadəçiyə qədər
179 AZN / ay
Planı seçBöyük otellər və geniş komandalar üçün
120 otağa qədər
25 istifadəçiyə qədər
299 AZN / ay
Planı seçQiymətlər AZN ilə göstərilir və ƏDV daxil deyil. Hər standart plan bir otel obyekti üçündür. İllik endirim abunə haqqına tətbiq olunur; birdəfəlik xidmətlərə şamil edilmir.
Limit dolu otaqların sayına deyil, sistemdə idarə olunan otaq fonduna aiddir. İstifadəçi limiti eyni vaxtda giriş sayını deyil, ayrıca hesabı olan aktiv əməkdaşları bildirir.
İş saatlarında istifadə suallarına dəstək və proqram xətalarının aradan qaldırılması daxildir. Dəstəyin iş qrafiki qoşulma zamanı razılaşdırılır. Sistemə girişin dayanması kimi ciddi nasazlıqlar bütün planlarda prioritetdir.
Otaq limitiniz dəyişmirsə, əlavə əməkdaş üçün daha böyük plana keçməyə ehtiyac yoxdur.
Köhnə sistemdən məlumatların təmizlənib köçürülməsi, yerində təlim, xüsusi inteqrasiyalar, fərdi funksiyalar və ayrıca server iş həcminə görə qiymətləndirilir.
İstəyə bağlı birdəfəlik xidmətdir. Otaqları, tarifləri və istifadəçi rollarını bizim hazırlamağımızı istədikdə ödənilir. Özünüz sazlayırsınızsa, hesabın aktivləşdirilməsi pulsuzdur.
149AZN · birdəfəlik
Otaqlar, tariflər, əməkdaş hesabları və bir onlayn təlim.
249AZN · birdəfəlik
Geniş sazlama və iki onlayn təlim.
399AZN · birdəfəlik
Əvvəlcədən razılaşdırılmış sazlama və komanda təlimi.
Başlamaq asandır
Otaq və istifadəçi sayınıza uyğun plan üçün sorğu göndərin.
Canlı nümayişdən sonra 14 günlük pulsuz sınaqla sistemi yoxlayın.
Otel məlumatlarını özünüz daxil edin və ya ödənişli sazlama və təlim xidmətini seçin.
Hesabın aktivləşdirilməsi və 30 dəqiqəlik başlanğıc izahı ilə işə başlayın.
Tez-tez verilən suallar
BirOtel PMS (Property Management System) otellər, hostellər və qonaq evləri üçün veb əsaslı idarəetmə sistemidir. Rezervasiya, otaq fondu, qonaq bazası, qiymətləndirmə, kassa, faktura, təsərrüfat xidməti, hesabatlar və istifadəçi rollarını bir paneldə birləşdirir.
Yalnız internet bağlantısı və brauzer. BirOtel veb tətbiqdir — kompüter, planşet və ya telefondan istifadə etmək olar, ayrıca proqram quraşdırmaq tələb olunmur.
Bəli. Rezervasiya yaradarkən gündəlik və ya saatlıq qalma seçilir. Saatlıq paketlər üçün qiymətləndirmə modulunda ayrıca qaydalar qurulur.
Qiymətləndirmə modulunda həftəsonu, bayram və mövsümi dövrlər üçün faiz və ya məbləğ qaydaları təyin edilir. Sistem hər tarix üçün yekun qiyməti avtomatik hesablayır və qiymət təqvimində göstərir.
Sistemin interfeysi Azərbaycan və ingilis dillərindədir. İstifadəçi dili paneldən bir kliklə dəyişə bilər.
Xeyr. İstifadəçilər və rollar modulu ilə resepsiya, rəhbərlik və təsərrüfat xidməti üçün ayrıca rollar yaradılır. İcazələr modul və əməliyyat səviyyəsində verilir, istifadəçi yalnız icazəli bölmələri görür.
Bəli. Rezervasiya siyahısı, otaqlar, kassa və hesabatlar Excel faylına ixrac edilə bilər.
Hazırkı versiya daxili otel idarəetməsinə fokuslanır: bron, otaq, qonaq, qiymət, kassa, faktura, təsərrüfat və hesabatlar. İnteqrasiya ehtiyaclarınızı nümayiş zamanı müzakirə edə bilərik.
Mini 59, Başlanğıc 99, Peşəkar 179, Biznes 299 AZN/aydır. Hər standart plan bir otel üçündür. 120-dən çox otaq və ya bir neçə otel üçün fərdi təklif verilir. Göstərilən qiymətlərə ƏDV daxil deyil.
Standart hosting, SSL, yeniləmələr, iş saatlarında istifadə suallarına dəstək və proqram xətalarının aradan qaldırılması aylıq qiymətə daxildir. Peşəkar və Biznes planlarında prioritet telefon və WhatsApp dəstəyi var. İş qrafiki qoşulma zamanı razılaşdırılır; 24/7 insan dəstəyi paketlərə daxil deyil.
Xeyr. Hesabın aktivləşdirilməsi və 30 dəqiqəlik başlanğıc izahı pulsuzdur. Sazlamanı bizə həvalə etsəniz, 20 otağa qədər 149 AZN, 21–60 otaq üçün 249 AZN, 61–120 otaq üçün 399 AZN birdəfəlik ödəniş tətbiq olunur. Məlumat köçürülməsi və yerində təlim ayrıca qiymətləndirilir.
Otaq limiti sistemdə idarə etdiyiniz otaq fondudur, dolu otaqların sayı deyil. İstifadəçi ayrıca hesabı olan aktiv əməkdaşdır; eyni vaxtda giriş sayına görə hesablanmır. Əlavə istifadəçi 5 AZN/aydır. Rezervasiya və qonaq qeydlərinin sayına görə əlavə ödəniş tutulmur.
Bəli. Sorğu göndərərək 14 günlük pulsuz sınaq əldə edə bilərsiniz. İllik abunə haqqını əvvəlcədən ödədikdə 10% endirim tətbiq edilir. Endirim birdəfəlik sazlama və əlavə layihə işlərinə şamil edilmir.
Sorğu və nümayiş
Plan və ya 14 günlük pulsuz sınaq üçün formu doldurun. Komandamız 1 iş günü ərzində sizinlə əlaqə saxlayacaq və uyğun başlanğıcı təşkil edəcək.
